बिहे नेपालको ‘भीआईपी क्लब’

काठमाडौँ — म्याट्रिमोनियल एप बिहे नेपालले बिहीबार ‘भीआईपी क्लब’ सार्वजनिक गरेको छ । प्रयोगकर्ताको माग अनुसार नै ‘भीआईपी क्लब’ बजारमा ल्याइएको बिहे नेपालले जनाएको छ । नेपाल विज्ञापन संघ आनका पूर्व अध्यक्ष तथा एडगुरु निर्मलराज पौडेलले भीआईपी क्लबकाे उद्घाटन गरेका थिए । 

बिहे नेपाल भीआईपी क्लबमा जोडिन प्रयोगकर्ताहरुले आफ्नो आधिकारिक कागजपत्र र फोटोसहित अनलाइन दर्ता गर्नु पर्नेछ ।यसरी दर्ता गर्दा भीआईपी क्लबका सदस्यहरुकाे प्रोफाइल गोप्य रहने कम्पनीले जनाएको छ । सदस्यहरुले भीआईपी क्लब सदस्य वा स्ट्यान्डर्डका सदस्यहरुसँग सञ्जालमा रही जीवनसाथी भेटाउन सक्नेछन् । छ महिनाको 'सब्सकृप्सन' लिँदा १० हजार रुपैयाँ र १ वर्षको लिँदा १५ हजार रुपैयाँ पर्ने बिहे नेपालकी निर्देशक श्रद्धा कटुवालले बताइन् ।

क्लबका सदस्यहरुले अन्य विशेष सुविधाहरु समेत पाउने कम्पनीले जनाएको छ । कटुवालका अनुसार बिहे नेपालका सदस्यहरुलाई ब्याल्क कार्ड उपलब्ध गराइने छ, जसबाट नेपालभरका विभिन्न आउटलेट, स्टोरहरुमा अफर र गिफ्ट भौचर पाउन सक्नेछन् । औपचारिक रुपमा सार्वजनिक भएको ७ महिनाको अवधिमा बिहे नेपालमा ५० हजार भन्दा धेरै प्रयोगकर्ता जोडिसकेका छन् । स्ट्यान्डर्ड मेम्बर र भीआईपी मेम्बर गरी यसमा दुई किसिमको सदस्यता छ । स्ट्यान्डर्ड सदस्यता निःशुल्क छ भने भीआईपी स्दस्यता सःशुल्क हो ।