एसियन कंक्रिटो अब नेपाली बजारमा- बजार - कान्तिपुर समाचार

एसियन कंक्रिटो अब नेपाली बजारमा

कान्तिपुर संवाददाता

काठमाडौँ — एसियन कंक्रिटोले नेपाल गुणस्तरअनुसार उत्पादन सुरु गरेको छ ।

युरोपियन तथा भारतीय मापदण्डअनुसार निर्माणजन्य सामग्री उत्पादन गर्दै आएको एसियन कंक्रिटोले अब नेपालमा पनि उत्पादन थालेको हो ।

कंक्रिटोका निर्माण सामग्री उत्पादनमा पायोनियर एसियन कंक्रिटोले वैशाख ७ मा नेपाल गुणस्तर तथा नापतौल विभागबाट नेपाल गुणस्तर चिह्न (एनएस) पाएपछि सोहीअनुसार उत्पादन गरिरहेको कम्पनीका अध्यक्ष मनीष रुंगटाले जानकारी दिए ।

उद्योगले हाल ३० वटा विभिन्न निर्माणजन्य सामग्री उत्पादन गर्दै आएको छ । कर्बस्टोन र इन्टरलक ब्लक सरकारले बनाउने पूर्वाधार विकासमै ८०/९० प्रतिशतसम्म खपत हुने गरेको कम्पनीको भनाइ छ ।

प्रकाशित : भाद्र १७, २०७८ २२:१५
प्रतिक्रिया
पठाउनुहोस्

लक्ष्मी बैंकको ऋणपत्र नेप्सेमा सूचीकृत

कान्तिपुर संवाददाता

काठमाडौँ — लक्ष्मी बैंकको ऋणपत्र नेपाल स्टक एक्सचेन्ज (नेप्से) मा सूचीकृत भएको छ ।

बैंकले निष्कासन गरेको दुई अर्ब रुपैयाँ मूल्य बराबरको ‘८.५ प्रतिशत लक्ष्मी बैंक डिबेन्चर २०८८’ नेप्सेमा सूचीकृत भएको हो । यससँगै उक्त ऋणपत्र नेप्सेमा दोस्रो बजार कारोबार गर्न सकिने बैंकले जानकारी दिएको छ ।

नेप्सेका निमित्त प्रमुख कार्यकारी अधिकृत निरञ्जन फुयाल र बैंकका प्रमुख कार्यकारी अधिकृत अजय विक्रम शाहले यससम्बन्धी सम्झौतापत्रमा हस्ताक्षर गरे ।

प्रकाशित : भाद्र १७, २०७८ २२:१४
पूरा पढ्नुहोस्
प्रतिक्रिया
पठाउनुहोस्
×