घण्टाघरदेखि दक्षिणतर्फ अघि बढ्दा बिजुलीको पोलको लाइन काटनु पर्ने हुँदा धेरैलाई समस्या हुने भएकाले त्यसो नगरिएको उनले बताए । यस सम्बन्धमा विद्युत् प्राधिकरण वीरगन्ज वितरण केन्द्रसँग समन्वय गरे आर्थिक वर्षको समाप्तिपछि घण्टाघरदेखि दक्षिणतर्फ अवरोध हटाउने उनले बताए ।

यस सम्बन्धमा पर्साका प्रमुख जिल्ला अधिकारी भोला दाहालको कार्यकक्षमा बुधबार साँझ सरोकारवालाहरूको बैठक बसेको उनले बताए ।

गत ६ र ७ वैशाखमा सडक विभागले पहिलो चरणमा मुख्य सडक क्षेत्रका करिब १२ सय घर तथा भवनमा डोजर चलाएको थियो । त्यसक्रममा अधिकांश संरचनाको अगाडिको भाग भत्काइएको थियो भने सडक सीमा क्षेत्रमा परेका संरचना २५ दिनभित्र आफैं हटाउन सम्बन्धित धनीलाई आग्रह गरिएको थियो । तर समयसीमा सकिँदासमेत धेरै संरचना यथावत् रहेपछि विभागले दोस्रो चरणको अभियान अघि बढाएको हो ।