भारतबाट नेपाल प्रवेश गर्न खोजिरहेका बेला उनको गतिविधि शंकास्पद देखिएपछि मैत्री पुलमै रोकी कागजात जाँच गरिएको थियो । प्रारम्भिक सोधपुछका क्रममा उनले आफूलाई हिन्दु नामबाट परिचय गराएर सुरक्षा निकायलाई झुक्याउने प्रयास पनि गरेका थिए ।

सोधपुछका क्रममा उनीसँग भारत प्रवेशका लागि आवश्यक वैध भिसा वा अन्य कानुनी कागजात नभएको खुलेको छ । भारतीय सुरक्षा निकायले उनको मोबाइल फोन, यात्रा मार्ग, नेपाल आउनुको उद्देश्य, भारत र नेपालमा रहेका सम्भावित सम्पर्क तथा यसअघि पनि सीमा क्षेत्रमा आवतजावत गरेको थियो वा थिएन भन्ने विषयमा अनुसन्धान गरिरहेको छ ।

उनी वैध अनुमतिबिना भारतमा कसरी बसिरहेका थिए, नेपाल प्रवेशको उद्देश्य के थियो र यसमा कुनै संगठित सञ्जालको संलग्नता छ वा छैन भन्ने विषयमा भारतीय प्रहरीले विस्तृत अनुसन्धान गरिरहेको छ ।