पर्सागढीको बडनिहार क्षेत्रबाट शनिबार दिउँसो पक्राउ परेका सहनीमाथि ज्यान मार्ने उद्योग तथा कुटपिट र अंगभंगसम्बन्धी कसूरमा थप अनुसन्धान भइरहेको प्रहरी उपरिक्षक पाठकले जानकारी दिए ।

पत्रकार सम्मेलनलगत्तै लैंगिक हिंसा नियन्त्रण सन्जालको कोषबाट पीडितकी आमा सुमित्रा कामीलाई ५० हजार १ सय ५ रुपैयाँ सहयोग गरेको छ  । प्रहरी उपरिक्षक पाठकले सुमित्रा कामीलाई उक्त रकमको चेक हस्तान्तरण गरे । त्यसैगरी प्रहरी नायब उपरीक्षक हरिबहादुर बस्नेतले व्यक्तिगत रुपमा ५ हजार रुपैयाँ सहयोग स्वरुप हस्तान्तरण गरे ।

हरिकलाकी आमा सुमित्राले ८ वर्षअघि छोरीको विश्वनाथसँग फोन सम्पर्कमार्फत प्रेम परेपछि भागी विवाह गरेको बताइन् । छोरीको घर व्यवहार चलाउन आफूले नियमित आर्थिक सहयोग गरेको पनि उनले बताइन् ।

हरिकलाका बुवा राजकुमारले ज्वाइँ विश्वनाथले पछिल्लो समय आफू वैदेशिक रोजगारीमा जान खोजेको र त्यसका लागि आफूसँग १० लाख रुपैयाँ मागेकामा आफूले भिसा लागेपछि त्यो बराबरको रकम दिने  आश्वासन दिए पनि ज्वाइँले छोरीलाई उक्त रकम पटक-पटक मागेर यातना दिइरहेको आफूले जानकारी पाएको बताए ।