रामविश्वासले ०५४ चैत १२ गते जिल्ला प्रशासन गौरबाट ३४२१ नम्बरको नागरिकता प्राप्त गरेका थिए । त्यसबेलाको अभिलेख अहिले प्रशासनमा छैन् । उनको नागरिकता कम्यूटर प्रणालीमा (सिआईएमएस) प्रविष्ट गर्नुपर्ने थियो । यही प्रक्रिया गर्न उनको अभिलेख नै भेट्टिएको छैन । ‘यसमा प्रशासनकै कमजोरी हो मेरो होइन,’ उनले भने,‘यसरी झुलाउने कर्मचारीमाथि कारबाही हुनुपर्छ ।’

ईलाका प्रशासन कार्यालय चन्द्रनिगाहपुरका प्रमुख माधवप्रसाद शर्माले कागजी प्रक्रिया पूरा नभएर नबनेको भन्दै पन्छिए । ईलाका प्रशासनले रामविश्वासकै नयाँ नागरिकता बनाउनु पर्ने भन्दै सर्जजिमनका लागि माघ १५ गते प्रहरी चौकी बनबोहरीको नाममा पत्र पठाएको छ । 

चौकीका प्रहरी सहायक निरीक्षक सुरेशमान श्रेष्ठले समेत दिनहुँ बोलाएर दुख दिएको उनको गुनासो छ । प्रमुख जिल्ला अधिकारी दिनेशसागर भुजेलले रामविश्वासले नागरिकता नपाएको विषयमा आफुले गम्भीर भएर सोधपुछ गर्ने बताए । ‘म आफै यस विषयमा के भएको हो बुझ्छु,’ उनले भने,‘सेवाग्राहीले सहज ठंगले नागरिकता पाउन् भन्ने मेरो चाहना हो ।’