रौतहट — रौतहटको दुर्गा भगवती गाउँपालिकास्थित कछुअवा पुलबाट मोटरसाइकल खसेर शनिबार साँझ एकजनाको मृत्यु भएको छ । अर्का गम्भीर घाइते छन् । मृतक र घाइते दुवै भारतीय नागरिक हुन् । मृतकको नाम भने खुलेको छैन । 

दुर्गा भगवती–४  गौर गंगापिपरा सडक खण्डको कछुअवा पुलबाट बिआर ३० एई ५१३८ नम्बरको मोटरसाइकल पुलबाट तल खसेर एक भारतीयको मृत्यु भएको जिल्ला प्रहरीका डीएसपी बिष्णुप्रदिप बस्यालले जानकारी दिए । ‘मृत्युहुने भारतीय नागरिक भन्ने खुलिसकेको छ । तर दुवै भारतीय भएकाले मृत्यु र घाइते हुने दुवैको नाम खुलेको छैन्,’ उनले भने,‘मृतकका परिवारसित सम्पर्क भइसकेको छ । उहाँहरु भारतबाट आउँदै हुनुहुन्छ । त्यसपछि मृतक र घाइतेको नाम खुल्छ ।’