पर्सा — पर्सा एमालेले पोखराको बाटुलेचौरस्थित लिची बगानको जग्गा हिनामिना प्रपञ्चमा घूस लेनदेनको अभियोगमा थुनामा रहेका पूर्वमन्त्री राजकुमार गुप्तासहित ४ वटा निर्वाचन क्षेत्रबाट २४ जनालाई उम्मेदवार सिफारिस गरेको छ।

पर्साका ४ वटै प्रतिनिधि सभा निर्वाचन क्षेत्रका लागि एमालेका क्षेत्रिय समन्वय समितिहरुले २४ जना सम्भावित उम्मेदवारको नाम सिफारिस गरेका हुन्।

निर्वाचन क्षेत्र नम्बर १ बाट अरविन्द सिंह, प्रभु हजरा, वसरुदिन अन्सारी, इन्दु घिमिरे, सुन्दर प्रसाद कुर्मी, नवराज शर्मा र ममता गुप्ताको नाम सिफारिस भएको छ।

क्षेत्र नम्बर २ बाट निर्मला देवकोटा, राजकुमार गुप्ता, अरविन्द सिंह र मनोज कुशवाहको नाम सिफारिस भएको छ।

क्षेत्र नम्बर ३ बाट भगवान प्रसाद कुर्मी, मन्जुर आलम, तेजप्रकाश निषाद, रामबावु यादव, प्रमोद जयसवाल, राजकुमार गुप्ता, रुपेश पाण्डेय, मन्जु देवी कुर्मी, मनिर आलम र शिव पटेलको नाम सिफारिस भएको छ । क्षेत्र नम्बर ४ बाट जालिम मियाँ, वीरेन्द्र प्रसाद यादव र गोकुली कुमारी रेग्मी छन् । रेग्मी ठोरी गाउँपालिकाकी  उपप्रमुख पनि हुन् ।