यी दुवै स्थानीय तहका अनुसार चिसो अझै केही दिन रहने सम्भावना भएकाले विद्यार्थीको स्वास्थ्य सुरक्षालाई ध्यानमा राख्दै बिदा दिने निर्णय गरिएको हो । अत्याधिक चिसोले विद्यार्थी कम हुनथालेपछि स्थानीय तहहरुले पनि बिदाका लागि पहल थालेका थिए । अभिभावकहरुलाई समेत बालबालिकालाई न्यानो कपडा लगाउने र स्वस्थ्यप्रति सतर्क रहन आग्रह गरिएको छ । 

पुस लागेसँगै बढेको चिसोले अन्य स्थानीय तहका विद्यालयमा पनि विद्यार्थीको चाप घट्दै गएको छ । ढोका नभएका कोठामा जस्ताको छानाले चिसो सहन मुस्किल हुने गरेको विद्यार्थीहरु बताउँछन् । उनीहरुले कक्षामा पढ्दापढ्दै जस्ताबाट पानी चुहिने गरेको गुनासो गरे । 

पुस लागेदेखि सुरु भएको कठ्याङ्ग्रिदो चिसोले तराई क्षेक्रको जनजीवन अत्यन्त कष्टकर बनिरहेको छ । चिसो बढ्दा बालबालिका, बृद्धबृद्धा, अशत्त र विपन्न वर्गका मानिस बढी प्रभावित भइरहेका छन् ।