काठमाडौँ — पर्सा कर्तव्य ज्यान मुद्दाका एक फरार प्रतिवादीलाई प्रहरीले १९ वर्षपछि पक्राउ गरेको छ । पक्राउ पर्नेमा बहुदरमाई नगरपालिका–२ घर भई परवानीपुरस्थित एक कम्पनीमा काम गर्ने ५४ वर्षीय विनोदप्रसाद कुर्मी छन् । 

उनलाई प्रहरीले विशेष सूचनाको बुधबार वीरगन्ज महानगरपालिका–२१ बाट नियन्त्रणमा लिएको हो । कुर्मीले २०६३ असोज ५ गते तत्कालीन पर्सा लिपनीविर्ता गाविस वडा नं ८ पटेलनगर बस्ने वर्ष २३ का रामप्रसाद पटेललाई लिपनी विर्ता गाविस–८ स्थित सिर्सिया नदीको डिलमा निर्घात कुटपिट तथा कर्तव्य गरी मारेको अभियोग रहेको थियो ।

ज्यानसम्बन्धी कर्तव्य ज्यान कसुरमा कुर्मीमाथि पर्सा जिल्ला अदालतबाट सात दिन म्याद थप अनुमति लिई थप अनुसन्धान भइरहेको पर्सा प्रहरी प्रवक्ता डीएसी राजु कार्कीले जानकारी दिएका छन् ।