अन्य तीन डमरु र माउसँग एउटा डमरु छुट्टिएको प्राविधिकले अनुमान गरेका छन् । 'माउ बघिनीले अन्य डमरुलाई अन्यत्र लिएर गएको र एउटा भने त्यही समूहबाट छुट्टिएको हुन सक्छ,' प्रमुख अहमदले भने ।

सोही स्थानमा सोमबार घाँस काट्न गएकी स्थानीय शान्तामाया श्रेष्ठलाई बाघले आक्रमण गरेर गम्भीर घाइते बनाएको थियो । बघिनीले यस क्षेत्रमा आफ्ना डमरु स्याहारिरहेको र त्यस क्रममा त्यहाँ मानव उपस्थिति हुँदा उसले आक्रमण गर्ने गरेको हुन सक्ने प्राविधिकले बताएका छन् ।

'बघिनीले डमरु स्याहारिरहेकाले उसलाई डार्ट गरी अन्यत्र लग्न उचित देखिन्न,' अहमदले भने, 'प्रभावित क्षेत्रमा मानव उपस्थिति हुन नदिनका लागि सूचना तथा रातो निसानसहितको संकेत राखिएको छ ।' बाघ रहेको क्षेत्रमा आवश्यकता पर्दा निगरानी गर्न हात्ती नियमित रुपमा राख्नुपर्ने भएकाले पर्सा राष्ट्रिय निकुञ्ज प्रशासनलाई हात्ती केही दिन उपलब्ध गराइदिन आग्रह गरिएको उनले बताए ।