काठमाडौँ — नापी कार्यालय वीरगन्ज (पर्सा)मा कार्यरत सर्भेक्षक रामप्रमोद राउत र नापी टोली आदर्शनगर पानी ट्यांकी वीरगन्जमा कार्यरत कार्यालय सहयोगी अरुणप्रसाद उपाध्याय सेवाग्राहीसँग १ लाख रुपैयाँ घुस लिएको आरोपमा पक्राउ परेका छन् ।

छुट जग्गा दर्ता गर्नका लागि भन्दै घूस लिएको आरोपमा दुवै जनालाई मंगलबार दिउँसो अख्तियार दुरुपयोग अनुसन्धान आयोगको टंगाल केन्द्रीय कार्यालयबाट खटिएको टोलीले पक्राउ गरेको हो । 

घुस/रिसवत लिइसकेको अवस्थामा उक्त रकमसहित वीरगन्ज महानगरपालिका-३ आदर्शनगर पानी ट्यांकीस्थित नापी कार्यालय पर्सा १,२,३ को नापी कार्यालय नियन्त्रणमा लिइएको अख्तियारले जनाएको छ ।