औरही खोलामा आएको बाढीले पुलको पूर्वतिरको भाग बगाएपछि यहाँको आवागमन बन्द भएको छ ।
जनकपुर — दुई दिनदेखि परिरहेको ठूलो पानीका कारण धनुषाको क्षीरेश्वरनाथ नगरपालिका–३ मंगलपुर र महोत्तरीको सीतापुर जोड्ने पुलको एक भाग बगाएको छ ।
औरही खोलामा आएको बाढीले पुलको पूर्वतिरको भाग बगाएपछि यहाँको आवागमन बन्द भएको छ । सशस्त्र प्रहरी धनुषाका एसपी निर्मल खड्काले दुवै पुलको पूर्वतिरको मुख खोलाको उच्च बहावले बगाएको बताए ।
एसपी खड्काका अनुसार धनुषाको लालगढस्थित पूर्वपश्चिम राजमार्गको रातु खोलाको बहावले पुललाई हल्का कटान गरेको छ ।
रातु खोलामा पानीको सतह लगातार कम भइरहेकाले पुललाई कटान हुनबाट जोगाउन सकिने उनको भनाइ छ ।
