खडक नगरपालिका–११ लंका टोलका मो. खुर्शिद आलम स्रोत नखुलेको रियालसहित पक्राउ परेका छन्, उनलाई आन्तरिक राजस्व कार्यालय ईटहरी पठाइएको छ।
राजविराज — सप्तरीको राजविराज विमानस्थलबाट झण्डै ३६ हजार साउदी रियालसहित एक युवकलाई नियन्त्रणमा लिएको छ ।
आइतबार दिउँसो राजविराजबाट काठमाडौं जान लागेका खडक नगरपालिका–११ लंका टोलका ३३ वर्षीय मो. खुर्शिद आलमलाई नियन्त्रणमा लिएको हो ।
विमानस्थलमा चेकजाँचका क्रममा आलमको साथबाट स्रोत नखुलेको ३५ हजार ९ सय ७६ साउदी रियाल बरामद भएपछि नियन्त्रणमा लिएको जिल्ला प्रहरी कार्यालयका प्रवक्ता डीएसपी जितेन्द्रकुमार बस्नेतले बताए ।
‘उनी आफैंले कमाएर ल्याएको रियाल पनि हुनसक्छ तर बैंकमार्फत आउनुपर्ने रकम बोकेर ल्याउन मिल्दैन,’ उनले भने, ‘आलममाथि आवश्यक छानबिनका लागि आन्तरिक राजस्व कार्यालय ईटहरी पठाइएका छौं ।’
