राजविराज — सप्तरीको सुरुंगा नगरपालिका–८ मल्हनमा टोलमा बिहीबार राति लुटेराको गोली प्रहारबाट एक जनाको मृत्यु भएको छ । राति करिब १२ बजेतिर टोलमा पसेका लुटेराको समूहले लुटपाट सुरु गरेका थिए ।

प्रतिकार गर्दा लुटेराले गोली हानेर स्थानीय ५० वर्षीय कान्तलाल चौधरीको हत्या गरेको छ । उनीमाथि धारिलो हतियार पनि प्रहार भएको एसपी ढकेन्द्र खतिवडाले जानकारी दिए । ‘घटनास्थलमा एउटा गोलीको खोखा र तीन वटा गोली पनि बरामद भएको छ,’ उनले भने, ‘घटनाको सूक्ष्म अनुसन्धान सुरु गरिसकेका छौं ।’