राजविराज — सप्तरीको बलान बिहुल गाउँपालिका-२ दिघियाबाट बुधबार साँझ ठूलो परिमाणमा गाँजा बरामद भएको छ । एउटा ताला लागेको घरबाट १६ वटा बोरामा प्याकिङ गरिएको अवस्थामा सो गाँजा बरामद भएको हो ।
गोप्य सूचनाको आधारमा जिल्ला प्रहरी कार्यालयको टोलीले सो गाँजा बरामद गरेको एसपी ढकेन्द्र खतिवडाले जानकारी दिए । उनका अनुसार बरामद भएको सो गाँजाको तौल गर्ने कार्य भइरहेको छ ।
एउटा बोरामा करिब २५/२६ किलो गाँजा रहेको एसपी खतिवडाले बताए । सो विषयमा थप अनुसन्धान भइरहेको प्रहरीले जनाएको छ ।
