पर्सा — राष्ट्रिय प्रजातन्त्र पार्टी (राप्रपा)ले आफ्ना नेता तथा कार्यकर्ताको गिरफ्तारीको विरोधमा शनिबार वीरगन्जमा प्रदर्शन गरेको छ । प्रदर्शनकारीहरुले घण्टाघर चोकमा टायर बालेर सरकारबिरोधी नारा लगाएका थिए ।
प्रदर्शनमा पार्टी केन्द्रीय सदस्य अंगत ठाकुर, पर्सा उपाध्यक्ष अवधकिशोर साह, नगिना यादव, विद्यार्थी युवा नेता दिपेश साह लगायतका सहभागी थिए । विरोध सभालाई सम्बोधन गर्दै नेताहरूले आफ्ना नेता तथा कार्यकर्ताको तत्काल रिहाइ नभए आइतबार देखि वीरगन्ज बजार पूर्ण रूपमा बन्द गर्ने चेतावनी समेत दिएका छन्।
