पर्सा — वीरगन्ज भन्सार कार्यालयको राजस्व संकलनमा सुधारको संकेत देखिएको छ । माघ महिनामा भन्सारले लक्ष्यको ८५ प्रतिशत राजस्व संकलन गरेको हो । यस महिनामा १७ अर्ब ५ करोड रुपैया राजश्व संकलनको लक्ष्य रहेकोमा १४ अर्ब ५२ करोड रुपैयाँ राजस्व संकलन भएको हो । जुन लक्ष्यको ८५ दशमलव २० प्रतिशत हो ।

चालु आर्थिक वर्षमा यो भन्सार कार्यलयबाट २ खर्ब १८ अर्ब ९५ करोड रुपैयाँ राजस्व संकलनका लक्ष्य राखिएको छ । असारयता १ खर्ब २१ अर्ब ८१ करोड रुपैयाँ राजस्व संकलनको लक्ष्य रहेकोमा ९४ अर्ब ५९ करोड रुपैयाँ संकलन भएको छ ।

कोरोनाकाल पछि सुरु भएको आर्थिक मन्दीको कारण आयात निर्यात व्यापार खस्किएपछि यो भन्सारले २ आर्थिक वर्षयता राजस्व संकलनको लक्ष्य भेटन सकेको छैन ।