बढैयाताल–२ का किसान धनबहादुर खत्रीले मनसुनी वर्षा पर्याप्त मात्रामा नपर्दा शुक्रबारदेखि पम्मले जमिनमुनीबाट पानि निकालेर रोपाइँ शुरु गरेको बताए । उनले गत वर्ष १५ असार अगावै रोपाइँ सम्पन्न गरेको पनि सुनाए ।

यहाँको राजापुर नगरपालिका र गेरुवा गाउँपालिकामा कर्णाली नदिको सिँचाई सुविधा भएकाले यस क्षेत्रमा सबैभन्दा बढी धान रोपाइँ हुने गर्छ । यस क्षेत्रमा करिब शतप्रतिशत नै धान रोपाइँ भएको एकिकृत कृषि तथा पशुपंक्षी विकास कार्यालय, बर्दियाका प्रमुख कमला अधिकारीले बताइन् ।

‘त्यसबाहेक समग्रमा बर्दियामा पनि झन्डै ९० प्रतिशत क्षेत्रमा धान रोपाइँ भई सकेको छ,’ उनले भनिन् ‘एक साता भित्र शत प्रतिशत रोपाइँ भइ सक्ने छ ।’ बर्दियामा ५० हजार १ सय हेक्टरमा धान खेती हुने गर्छ ।