गुल्मी — छत्रकोट गाउँपालिकास्थित श्रृङ्गा प्राथमिक स्वास्थ्य केन्द्र स्तरवृद्धि हुँदै पाँच शय्याको छत्रकोट आधारभूत अस्पताल बनेको छ । १५ शय्याको पालिका अस्पताल संरचनामा जग्गा प्राप्ति तथा झन्झटिलो प्रक्रियासहितको ढिलाइका कारण त्यसअगावै पालिकाले सुरुवाती चरणमा पाँच शय्याको अस्पतालमा स्तरवृद्धि गरी सेवा प्रारम्भ गरेको हो ।

पाँच शय्याको आधारभूत अस्पतालबाट अब २४ सै घण्टा आकस्मिक सेवा, ओपीडी, प्रसूति सेवा, ल्याब, एक्स–रे, ईसीजी, खोप, दन्त सेवा र फार्मेसीसहितका आधारभूत स्वास्थ्य सेवा उपलब्ध हुनेछन् । आधारभूत सेवा प्रदान गर्न सक्षम भएका कारण श्रृङ्गा प्राथमिक स्वास्थ्य केन्द्र अब छत्रकोट आधारभूत अस्पताल बनेको अस्पतालका प्रमुख डा. मेडिकल अधिकृत नारायण न्याैपानेले बताए ।

गाउँपालिका स्वास्थ्य शाखा प्रमुख श्यामसुन्दर पाेखरेलका अनुसार पालिकाकाे आधारभूत अस्पतालका रूपमा थप प्रभावकारी सेवा अस्पतालबाट प्रदान हुनेछ । उनलेे अब अस्पतालले २४ घण्टा नै सेवा प्रदान गर्ने पनि बताए ।