पकडी–चाकलचौडा सडकस्थित मायादेवी गाउँपालिका–२, अभिरावमा मोटरसाइकलको सिटमुनिबाट रकम बरामद भएको हो ।
कपिलवस्तु — पकडी–चाकलचौडा सडकखण्डस्थित मायादेवी गाउँपालिका–२, अभिरावमा स्रोत नखुलेको करिब साढे ५ लाख रुपैयाँ बरामद गरिएको छ ।
आइतबार राति १० बजेतिर पकडीबाट चारकचौडातर्फ जाँदै गरेको लु३५प ८९५९ नम्बरको मोटरसाइकलको सिटमुनिबाट ५ लाख ४८ हजार ५ सय रुपैयाँ बरामद भएको हो । उक्त सडक खण्डको अभिरावमा जाँचका लागि प्रहरी देखेपछि मोटरसाइकल चालक भने मोटरसाइकल छाडेर भागेका थिए ।
मोटरसाइकलको सिटमुनि लुकाइराखेको अवस्थामा रकम फेला परेको हो । आवश्यक कारबाहीका बरामद मोटरसाइकल र रकम सुठौली भन्सार पठाइएको जिल्ला प्रहरी प्रवक्ता प्रहरी नायब उपरीक्षक रिपेन्द्रकुमार सिंहले बताए ।
