प्रदेश प्रमुख कृष्णबहादुर घर्ती मगरले सरकारको सिफारिसमा वैशाख १७ गते दिउँसो १ बजे बस्नेगरी आठौं अधिवेशन आहृवान गरेका हुन् ।
बुटवल — लुम्बिनी प्रदेशसभाको आठौं (वर्षे) अधिवेशन आहृवान भएको छ । प्रदेश प्रमुख कृष्णबहादुर घर्ती मगरले सरकारको सिफारिसमा वैशाख १७ गते दिउँसो १ बजे बस्नेगरी आठौं अधिवेशन आहृवान गरेका हुन् ।
प्रदेशसभाका सचिव दुर्लभकुमार पुनले सोमबार सूचना सार्वजनिक गर्दै संविधानको धारा १६६ को उपधारा (२) र धारा १८३ को उपधारा (१) बमोजिम बैठक आहृवान भएको जनाएका छन् ।
लुम्बिनी प्रदेशसभाको हिउँदे अधिवेशन ४ वटा विधेयक पारित गर्दै वैशाख १० देखि अन्त्य भएको थियो । प्रदेशसभाको सातौं अधिवेशनमा १६ वटा बैठक बसेका थिए ।
आठौं अधिवेशनले आगामी वर्षको सरकारको नीति तथा कार्यक्रम, बजेट तर्जुमा र पारित गर्नेछ ।
