मंगलबार दिउँसो गोविन्द चमारको घरमा आगलागी हुँदा छिमेकी ११ जनाको घर जलेर नष्ट भएको थियो ।
परासी — पश्चिम नवलपरासीको प्रतापपुर गाउँपालिका-५ भैरमपुरमा मंगलबार भएको आगलागी पीडित लाई राहत वितरण प्रदान गरिएको छ ।
मंगलबार दिउँसो गोविन्द चमारको घरमा आगलागी हुँदा छिमेकी ११ जनाको घर जलेर नष्ट भएको थियो ।
पीडितलाई तत्कालका लागि ६ हजार ५ सय रुपैयाँबराबरको खाद्यान्न , त्रिपाल र नगद १५ हजार प्रदान गरिएको प्रतापपुर गाउँपालिकाका अध्यक्ष उमेशचन्द्र यादवले बताए ।
आगलागीबाट घर जलेर नष्ट भएका पीडितलाई प्रदान गर्ने राहतका लागि बुधबार गाउँपालिकाको विपद व्यवस्थापन समिति बैठक बसेर सिफारिस गर्ने र सहयोगी संघ संस्थासँग राहत सहयोगका लागि समन्वय गरिने पालिकाले जनाएको छ ।
