पाल्पा — पौडी खेल्दा पाल्पाको कालीगण्डकी नदीको बगनासकाली गाउँपालिका–७, दैलातुङमा बेपत्ता दुई मध्ये एक जना बुधबार मृत फेला परेका छन् । अर्का एक जनाको खोजीकार्य जारी छ । 

मंगलबार नयाँ वर्षका दिनमा साथीभाईसंग कालीगण्डकी नदीमा गएका बगनासकाली गाउँपालिका–९, चापपानी झिरभन्ज्याङका २९ वर्षीय तोयनाथ बस्याल (मदन) मृत अवस्थामा भेटिएका हुन् । उनको शव कालीगण्डकी नदीको बीच भागमा भेटिएको प्रहरीले जनाएको छ । बेपत्ता ३९ वर्षीय शरण भुसालको खोजी कार्य जारी रहेको जिल्ला प्रहरी कार्यालयले जनाएको छ । 

मंगलबार करिब ५ बजेको समयमा पौडी खेल्ने क्रममा डुबी वेपत्ता भएको स्थानीयले जानकारी दिएपछि प्रहरी निरीक्षकको कमाण्डमा प्रहरी पुगेको थियो । प्रहरी र स्थानीय बासिन्दाले कालीगण्डकी नदी किनारमा खोजतलास गरेको प्रहरी नायव उपरीक्षक तथा सूचना अधिकारी होमप्रकाश चौधरीले बताए ।