पाल्पा — खोलामा बारुदजन्य पदार्थ प्रयोग गरी माछा मार्ने क्रममा घाइते भएका ३८ वर्षीय खुमबहादुर सुनारीको मृत्यु भएको छ ।

पाल्पाको निस्दी गाउँपालिका र नवलपरासीको मध्यविन्दु नगरपालिका–१४, राइकोटेको सिमाना अरुणखोलामा माछा मार्ने क्रममा पाल्पाको निस्दी गाउँपालिका–५, गल्धा गेझाका ३८ वर्षीय सुनारी घाइते भएका थिए । सुनारीको उपचारका क्रममा रामपुर अस्पतालमा मृत्यु भएको प्रहरीले जनाएको छ । 

सुनारीको कोखा, दाहिने खुट्टा र बाँया हातमा गम्भीर चोट लागेको थियो । अचेत अवस्थामा रहेका सुनारीलाई  प्रहरीले उपचारका लागि रामपुर अस्पताल पठाएको थियो । सोही स्थानका ३५ वर्षीय रोमनसिंह खरु मगरसमेत घाइते छन् ।  घाइते खरु मगरको अवस्था मध्यम रहेको प्रहरीले जनाएको छ ।