त्यस्तै राष्ट्रिय सभाका पूर्वसदस्य सदस्य दृगनारायण पाण्डेले पनि शान्तिपूर्ण आन्दोलनमा गोली चलाउने र घाइतेको उपचार प्रभावकारी रूपमा हुन नसकेको विषयमा पारदर्शी रूपमा छानबिन गरी दोषीमाथि कानुनअनुसार कडा कारबाहीको माग गरेका छन् । मृतकका परिवारलाई रोजगारी दिएर जिल्लामा शान्ति, सुरक्षा र विश्वासको वातावरण बनाउन उनको आग्रह छ । 

सोमबार बिहान भरतपुरस्थित चितवन मेडिकल कजेलमा उपचारका क्रममा यादवको मृत्यु भएको थियो ।  उनको सोमबार राति नै ल्याइए पनि दाहसंस्कार हुन सकेको छैन । उनको शव तौलिहवास्थित कपिलवस्तु अस्पतालमा राखिएको छ । घटनामा अन्य तीन जना घाइते भएका थिए ।

आफूहरूको माग पूरा नगरेको भन्दै शव नउठाएको मृतकका हजुरबुबा नन्दलाल यादवले बताए । यता मृतक परिवारका माग पूरा गरे पनि शव बुझ्न नआएको प्रमुख जिल्ला अधिकारी नवराज गौतमको दाबी छ । मंगलबार जिल्ला प्रशासन कार्यालयमा मृतकका परिवार, स्थानीय सरोकारवाला र प्रशासनबीच बैठक बसे पनि सहमति हुन नसक्दा मृतकको दाहसंस्कार हुन सकेको छैन ।