सिद्धार्थनगरका पूर्व प्रमुख हरि अधिकारीले आफ्नो पालामा शिलान्यास भएको भवनको उदघाटन गरिएकोमा खुसी व्यक्त गरे । नगरपालिका पूर्वाधारयुक्त भइसकेकाले नागरिकले सामाजिक सञ्जालमा गुनासो गर्नेभन्दा कार्यालयमा आएर आफ्ना भनाइ राख्नुपर्ने उनले बताए । नगरपालिकाका सेवा सुधार र सर्भिस प्रवाह प्रभावकारी तुल्याउन स्थानीय बासिन्दाले पनि सकारात्मक भूमिका खेल्नुपर्ने उनको भनाइ थियो । सेवाग्राहीसित गुनासोमात्र नगर्न अनुरोध गरे । 

नगरपालिकाकी उपप्रमुख अधिकारीले स्थानीयको योगदान र सहयोगले नै नगरपालिका अहिलेसम्म सफलतापूर्वक अगाडि बढिरहेको बताइन् । ‘तर, अधिकार माग गर्दै गर्दा कर्तव्यको पनि ख्याल गर्नुपर्छ,’उनले भनिन्, ‘नगरपालिकालाई गुनासोरहित बनाउन नागरिकको ठूलो भूमिका छ ।’ 

नगरप्रमुख खाँले नगरपालिका स्थानीयका समस्या हल गर्दै स्वच्छ र सफा नगर बनाउन क्रियाशील रहेको जनाउँदै सहकार्यका लागि स्थानीय बासिन्दा र सरोकारवालासित आग्रह गरे । नागरिकलाई प्रभावकारी सेवा प्रदान गर्न पनि आधुनिक पूर्वाधार आवश्यक रहेको उनले बताए । ‘अब हाम्रो ध्यान कर्मचारी र जनप्रतिनिधि मिलेर नागरिकलाई प्रभावकारी सेवा प्रवाह गर्नमा केन्द्रित हुनेछ,’उनले भने, ‘नयाँ भवनबाट प्रविधिको उपयोग गरेर सेवा दिइनेछ ।’