नेपालगन्ज — बाँकेमा तीनवटै निर्वाचन क्षेत्रमा रास्वपाले समानुपातिकतर्फ सर्वाधिक मत प्राप्त गरेको छ । बाँकेको क्षेत्र नम्बर १ र ३ बाट प्रत्यक्षतर्फ विजयी हासिल गरेको रास्वपा क्षेत्र नम्बर २ भने दोस्रो बनेको थियो । तर, समानुपातिकमा क्षेत्र नम्बर २ मा पनि पहिलो दल बनेको हो ।

क्षेत्र नम्बर १ मा जम्मा खसेको ७६,०६२ मतमा रास्वपाले ३४,३८३ मत प्राप्त गर्दा नेपाली कांग्रेसले १४,२२४ र एमालेले १०३२० मत प्राप्त गरेका छन् । यहाँ ७२,३७० मत सदर भएको थियो भने ३,६९२ मत बदर भएको थियो । यस्तै क्षेत्र नम्बर २ मा पनि रास्वपा २४,३४१ मत प्राप्त गर्दै पहिलो दल बनेको छ ।

दोस्रो स्थानमा रहेको नेकपा एमालेले २०,५५२ मत प्राप्त गर्दा कांग्रेसले १२,४८४ मत प्राप्त गरेको छ । यो क्षेत्रमा प्रत्यक्षतर्फ एमाले विजयी भएको थियो ।  क्षेत्र नम्बर २ मा जम्मा खसेको मत ७३,०५२ मध्ये ६८,४०४ मत सदर हुँदा ४,६४८ मत बदर भएको छ ।