दाङ — प्रतिनिधिसभा सदस्य निर्वाचनमा दाङ क्षेत्र नं. २ मा प्रगतिशील लोकतान्त्रिक पार्टी (प्रलोपा) बाट उम्मेदवार बनेका प्रतिक अधिकारी नेपाली कम्युनिष्ट पार्टी (नेकपा) मा प्रवेश गरेका छन् ।

बुधबार बिहान घोराहीमा पत्रकार सम्मेलन गर्दै अधिकारीले नेकपामा प्रवेश गरेको जानकारी दिएका हुन् । प्रलोपाले मंगलबार अधिकारीको उम्मेदवारी निष्क्रिय गर्दै एमाले उम्मेदवार शंकर पोखरेललाई सघाउने निर्णय गरेको थियो । 

उक्त निर्णयपछि अधिकारी नेकपामा प्रवेश गरेका हुन् । अधिकारीलाई दाङ–२ का नेकपा उम्मेदवार निर्मल आचार्य र समानुपातिक उम्मेदवार भिम कुमारी बुढाले स्वागत गरेका थिए ।

प्रलोपाले भने प्रलोपा र एमालेबीच भएको सम्झौता अनुसार दाङमा एमाले उम्मेदवारलाई सघाउने गरी उम्मेदवारी निष्क्रिय गरेको जानकारी दिएको छ ।