दिउँसो करिब फौने २ बजे जनमुक्ति सामुदायिक वनमा घाँस काटिरहेको अवस्थामा चितुवाले आक्रमण गरेको डिभिजन वन कार्यालय बर्दियाले जनाएको छ ।
बर्दिया — चितुवाको आक्रमणमा बारबर्दिया नगरपालिका–११ मा बिहीबार दिउँसो एक जना गम्भीर घाइते भएका छन् ।
दिउँसो करिब पाैने २ बजे जनमुक्ति सामुदायिक वनमा घाँस काटिरहेको अवस्थामा चितुवाले आक्रमण गरेको डिभिजन वन कार्यालय बर्दियाले जनाएको छ ।
चितुवाको आक्रमणमा परी सोही ठाउँका प्रेमबहादुर घर्ती मगर घाइते भएको डिभिजन वन कार्यालयका वरिष्ठ वन अधिकृत रामगोपाल चौधरीले बताए । घाइते घर्ती मगरलाई उपचारका लागि नेपालगन्ज लगिएको छ।
चालु आर्थिक वर्षमा चितुवाको आक्रमणमा परी यहाँ ६ जनाको ज्यान गएको छ । यो अवधिमा बाघ र हात्तीको आक्रमणबाट पनि १/१ जनाको मृत्यु भएको छ। साउनयता वन्यजन्तुको आक्रमणमा परी ११ जना घाइते भएका छन्।
