पश्चिमी वायुको प्रभावका कारण बिहानैदेखि आकाश बादलले ढाकिएको थियो भने दिउँसोबाट वर्षा भएको भैरहेको छ ।
नवलपरासी — पूर्वी र पश्चिम नवलपरासीमा मौसम बदली भएर सामान्य वर्षा भएको छ । बुधबार बिहानबाट एक्कासी वर्षा भएपछि चिसो बढेको छ ।
पश्चिमी वायुको प्रभावका कारण बिहानैदेखि आकाश बादलले ढाकिएको थियो भने दिउँसोबाट वर्षा भएको भैरहेको छ । वर्षाको कारण हिउँदे बाली गहुँ , मसुरोलगायतका किसानलाई राहात मिलेको छ । यो वर्षाले सबैभन्दा बढी प्रभावित इँटा व्यवसायी परेका छ्न् ।
काँचो इँटा तयार गरेर पोल्नु पर्ने समयमा पानी परेपछि समस्या भएको व्यवसायी कृष्णप्रसाद शर्माले बताए ।
जल तथा मौसम पूर्वानुमान महाशाखाका अनुसार पुर्वी नवलपरासीको कावासोतीमा १.४ मिलिमिटर वर्षा भएको छ । पूर्वी र पश्चिम नवलपरासीको धेरैजसो ठाउँमा पानी परेको छ ।
