पाल्पा — आगामी फागुन २१ गते हुने प्रतिनिधिसभा सदस्य निर्वाचनका लागि पाल्पामा २९ जनाको उम्मेदवारी काम भएको छ।

पाल्पा क्षेत्र नं. २ मा प्रतिनिधिसभा सदस्य निर्वाचनका लागि मनोनयन दर्ता गरेका स्वतन्त्र उम्मेदवार देवीप्रसाद भण्डारीले उम्मेदवारी फिर्ता लिएका हुन् । क्षेत्र १ बाट १३ र क्षेत्र २ बाट १७ जनाको उम्मेदवारी थियो । 

रैनादेवी छहरा गाउँपालिका–३, भुवनपोखरी निवासी भण्डारीले प्रतिनिधिसभा सदस्य निर्वाचन ऐन २०७४ को दफा २५ को उपदफा (१) बमोजिम नाफ फिर्ता लिएको मुख्य निर्वाचन अधिकृत हरिप्रसाद शर्मा उपाध्याय पंगेनीले जानकारी दिए ।

क्षेत्र नं. २ मा १४ राजनीतिक दल र ३ स्वतन्त्र गरी १७ जनाको उम्मेदवारी परेको थियो । भण्डारीसहित तीन जनाले स्वतन्त्रबाट उम्मेदवारी फिर्ता लिएसंगै स्वतन्त्र उम्मेदवारको संख्या दुई भएको छ ।

प्रतिनिधिसभा क्षेत्र नम्बर १ मा ९ राजनीतिक दल र ४ स्वतन्त्र गरी १३ जनाको उम्मेदवारी परेको निर्वाचन अधिकृत दशरथ पंगेनीले बताए  । 

पाल्पा क्षेत्र नम्बर १ मा कांग्रेसका तर्फबाट सन्दीप राना र क्षेत्र नम्बर २ बाट हिमालदत्त श्रेष्ठले उम्मेदवार दर्ता गराएका छन् । यस्तै एमालेका क्षेत्र नम्बर १ बाट नारायणप्रसाद आचार्य र क्षेत्र नम्बर २ बाट ठाकुरप्रसाद गैरेले मनोनयन दर्ता गरेका छन् ।

नेपाली कम्युनिष्ट पार्टीबाट पाल्पामा क्षेत्र नम्बर १ बाट हुमबहादुर सुनारी र क्षेत्र नम्बर २ बाट सोमप्रसाद पाण्डेयले मनोनयन दर्ता गरेका छन् । राष्ट्रिय स्वतन्त्र पार्टीबाट क्षेत्र नम्बर १ बाट विमल पन्त र क्षेत्र नम्बर २ बाट माधव बहादुर थापाले उम्मेदवारी दर्ता गराएका छन् । राप्रपाबाट क्षेत्र नम्बर १ बाट बृहस्पति अर्याल र क्षेत्र नम्बर २ बाट डुलबहादुर कुँवरले मनोनयन दर्ता गराएका छन् ।