दाङ — प्रतिनिधिसभा सदस्यका लागि दाङमा ६२ जनाको उम्मेदवारी दर्ता भएको छ, जसमा क्षेत्र नं १ मा १४, २ मा २३ र ३ मा २५ जनाको उम्मेदवारी दर्ता भएको छ ।

यसपटक अधिकांश नयाँ उम्मेदवार छन् । ४० वर्षमुनिका युवा उम्मेदवार १९ जना छन् । यो कूल उम्मेदवारको ३०.६ प्रतिशत हो । जसमा क्षेत्र नं १ मा तीन, २ मा सात र ३ मा नौ जना छन् । २६ देखि ६९ वर्षसम्मका उम्मेदवारले मनोनयन दर्ता गरेका छन् ।

यसपटक नयाँ उम्मेदवारको संख्या ठूलो छ । ६२ जनामा ४९ जना नयाँ उम्मेदवार छन् । यो कूल उम्मेदवार संख्याको ७९ प्रतिशत हो । उम्मेदवारमध्ये क्षेत्र नं. १ मा ६ पुराना र ८ नयाँ छन् । क्षेत्र नं २ मा २ पुराना र २१ नयाँ छन् । क्षेत्र नं ३ मा ५ पुराना र २० नयाँ उम्मेदवार छन् ।