बर्दिया — मधुवन नगरपालिका–४ स्थित सडक खण्डमा ओरालीबाट ढोढरीतर्फ आउँदै गरेको ईभी गाडी र विपरीत दिशातर्फ जाँदै गरेको मोटरसाइकल एक आपसमा ठोक्किदा दुई जनाको मृत्यु भएको छ ।

बा प्र ०१–०३२च ७५५३ नम्बरको इभी गाडी विपरीत दिशातर्फ जाँदै गरेको भे ११ प १९२३ नम्बरको मोटरसाइकल शुक्रबार राति करिब ९ बजे एक आपसमा ठोक्किएको प्रहरीले जनाएको छ ।

मोटरसाइकल चालक बर्दिया ठाकुरबाबा–५ शाहीपुरका २१ वर्षीय शुशिल कुमार थारु र पछाडि बस्ने सोही पालिका–५ मानपुरका २५ वर्षीय करण थारु घाइते भएका थिए । 

उनीहरुलाई जिल्ला अस्पताल गुलरिया उपचारको लागि तत्काल ल्याइएकोमा राति १० बजेर १० मिनेटमा दुवै जनाको मृत्यु भएको ईलाका प्रहरी कार्यालय, ढोढरीका प्रहरी निरीक्षक महेन्द्र सेनले बताए ।