डहरे खोला, गिदी खोला, भार्से खाेला र नादेवा खाेलामा पुल बन्न लागेका हुन् । डहरे खाेलामा वर्षायामकाे समयमा निकै सास्ती हुँदै आएको थियो । एक दर्को पानी परे पनि बन्द हुने डहरे खाेलाले गएको वर्षायाममा थुप्रै सवारीसाधनलाई बगाएको थियो । यात्रुले कालाे लेदाेसहितकाे माटो बग्ने यो खाेलामा पटक-पटक सास्ती खेप्नुपरेको छ ।

निर्माण व्यवसायी भागवत गिरीले रकम भुक्तानी नभएपछि आवतजावत ठप्प पारेको बताए । 'पुलमा आवतजावत गर्न त बजेट भुक्तानी पनि हुनुपर्‍याे,' उनले भने, 'डहरे खाेलाकै साढे तीन कराेड रुपैयाँ भुक्तानी पाएकाे छैन ।' उनले सबै पुलको एकमुष्ट हिसाब गर्दा १३ करोड रुपैयाँ भुक्तानी बाँकी रहेको बताए ।

सडक डिभिजन कार्यालय पाल्पाका प्रमुख सिनियर डिभिजनल इञ्जिनियर रामपुकार जयसवालले संघीय सरकारले बजेट नै नठाएका कारण भुक्तानी राेकिएकाे बताए । 'बिल आएको छ तर हामीसँग बजेट छैन,' उनले भने, 'भुक्तानी गर्न बजेट छैन, आवातजावत खुलाउन भन्न पनि अप्ठ्यारो छ ।' उनले कार्यालयसँग भएको बजेट भुक्तानी भएको तर बजेट नभएपछि समस्या भएको बताए ।