१७ वर्षीया विनिता परियारको मृत्यु
बर्दिया — बाघको आक्रमणमा मंगलबार दिउँसो एक १७ वर्षीया युवतीको मृत्यु भएको छ । कोठिया सामुदायिक वनमा पशु चौपाया चराउने क्रममा बाघले मधुवन-२ कोठियागाउँकी विनिता परियारलाई आक्रमण गरेको प्रहरीले जनाएको छ ।
घटनालगत्तै स्थानीय, प्रहरीले खोजतलाश गर्दा आक्रमण गरिएको ठाउँदेखि सय मिटर दूरीमा गम्भीर घाइते बनाई बाघले जंगलमा छाडेको थियो ।
जिल्ला अस्पताल गुलरियामा उपचारका क्रममा परियारको मृत्यु भएको इलाका प्रहरी कार्यालय, ढोढरीका प्रहरी निरीक्षक महेन्द्र सेनले बताए ।
