बुटवल — नेपाल अर्बुद रोग निवारण संस्था रूपन्देहीको सभापतिमा पुनः खिमबहादुर हमाल चयन भएका छन् । संस्थाको सोमबार बुटवलमा सम्पन्न छैटौं जिल्ला अधिवेशनले हमालको नेतृत्वमा १५ सदस्यीय नयाँ कार्यसमिति चयन गरेको हो ।

समितिका सदस्यमा विना न्यौपाने, बाबुराम विक, प्रजापाल गिरी, गुणनिधि खनाल, तेजनारायण अर्याल, पुनम पौडेल, इन्दिरा पाण्डे, मुक्तिराज पौडेल, भगवता वेलवासे, निमा थारु, उमा थापा, रमेश पराजुली र शैलेका पन्त निर्विरोध निर्वाचित भएको निर्वाचन समिति संयोजक महेन्द्र पाण्डेले बताए । समितिमा महिलासहित दुई उपाध्यक्ष, महासचिव, कोषाध्यक्ष, सहकोषाध्यक्ष र सहसचिव रहने व्यवस्था छ । अध्यक्षबाहेकका पदाधिकारी सदस्यबाट छानिने छन् ।  

अधिवेशनको उद्घाटनमा संस्थाका केन्द्रीय सदस्य मधुसूदन गैरेले क्यान्सर रोग नियन्त्रण, रोकथाम र जनचेतना अभिवृद्धिमा संस्थाको भूमिका महत्त्वपूर्ण रहेको भन्दै बदलिँदो खानपान र जीवनयापनमा चुनौती पनि थपिएको बताए ।