चितवन र नवलपरासी जोड्ने नारायणी नदी पुलको नवलपुर खण्डमा कालोपत्र गर्नुपर्ने भएकाले रातको समयमा यातायात संचालनमा रोक लगाइएको हो ।
नवलपुर — विस्तारको क्रममा रहेको नारायणगढ-बुटवल सडक खण्डअन्तर्गत पूर्वी नवलपरासीको गैंडाकोटमा शुक्रबार र शनिबार राति ११ देखि बिहान ४ बजेसम्म सवारी आवागमनमा रोक लगाइएको छ ।
चितवन र नवलपरासी जोड्ने नारायणी नदी पुलको नवलपुर खण्डमा कालोपत्र गर्नुपर्ने भएकाले रातको समयमा यातायात संचालनमा रोक लगाइएको हो ।
नारायणगढ-बुटवल सडक विस्तार आयोजनाले सूचना जारी गर्दै यस अवधिमा वैकल्पिक मार्ग प्रयोग गर्न आग्रह गरेको सडक विस्तार आयोजना पूर्वी खण्डका सूचना अधिकारी इन्जिनियर शिव खनालले बताए ।
यस अवधिमा सवारी साधन र यात्रुले वैकल्पिक मार्ग प्रयोग गर्न आग्रह गरेको छ । यस अवधिमा बुटवलबाट नारायणगढतर्फ जाने साना र मिनी बस गैंडाकोटको थुँसी क्षेत्र र ठुला सवारी वेल्डियादेखि प्रगतिनरगको बीचमा रोक्नुपर्ने छ ।
नारायणगढबाट बुटवलतर्फ जाने साना सवारी रामनगर र ठुला सवारी जुगेडीदेखि दासढुंगा क्षेत्रमा रोक्नुपर्ने छ ।
अहिले दाउन्ने र बाँकी भागमा सडक विस्तारको काम धमाधम भैरहेको छ ।
२०७५ चैतदेखि सुरु भएर ४४ महिनामा सम्पन्न हुनुपर्ने काम चौथो पटक म्याद थप भएर ०८३ साउन ७ गतेसम्म लम्ब्याइएको छ । समयमा नै काम नहुँदा यात्रुले सास्ती भोग्नुपरेको छ ।
