नेपालगञ्ज — मानव बेचबिखनविरुद्ध संस्थाले ४० जिल्लाका झन्डै ४ सय जनाको उद्धार गरेको छ। मानव बेचबिखनविरुद्ध सक्रिय संस्था शान्ति पुन:स्थापना गृह नेपालगन्जले गत आर्थिक वर्ष २०८१/८२ मा ४० जिल्लाका ३ सय ९५ जनाको उद्धार गरेको हो ।

सोमबार नेपालगञ्जमा आयोजित संस्थाको वार्षिक सामाजिक लेखा परीक्षण कार्यक्रममा उक्त जानकारी दिइएको हो । गृहले सोही अवधिमा ९ हजार ३ सय ७९ जनालाई सीमा क्षेत्रमा सूचना तथा परामर्श दिएको र चार जना भारतीय नागरिकको समेत उद्धार गरेको तथ्याङ्क प्रस्तुत गरेको थियो ।

‘हाम्रो आह्वान मानव बेचबिखनविरुद्धको अभियान’ नाराका साथ सञ्चालित संस्थाले लेखा परीक्षणमार्फत आफ्ना गतिविधिको कार्यसम्पादन, पारदर्शिता र जवाफदेहितामाथि छलफल गरेको हो । कार्यक्रममा गत वर्ष हासिल उपलब्धि, चुनौती र आगामी वर्षका योजनाबारे प्रस्तुतीकरण गरिएको थियो ।