बिहीबार बिहान ३ बजेदेखि महेन्द्र राजमार्ग हुँदै पूर्व पश्चिम हिँडेका सैयौं गाडी दुम्कीवास र बर्दघाटमा रोकिएका छन् ।
नवलपरासी — सामान्य वर्षातका कारण राजमार्ग चिप्लो भएर दाउन्ने खण्डमा जाम भएको छ ।
स्थानीय सुनिल खनालका अनुसार दाउन्नेको विश्वकर्मा मन्दिर नजिकमा गाडी चिप्लिएर राजमार्ग अवरुद्ध भएको हो ।
बिहीबार बिहान ३ बजेदेखि महेन्द्र राजमार्ग हुँदै पूर्व पश्चिम हिँडेका सैयौं गाडी दुम्कीवास र बर्दघाटमा रोकिएका छन् । इलाका प्रहरी कार्यालय दुम्कीवासका अनुसार सामान्य वर्षाका कारण राजमार्ग हिलाम्य भएर गाडी आउजाउ हुन नसकेको हो ।
विश्कर्मा मन्दिर नजिक कच्ची सडकमा ग्राइभेल राख्न सडक विभागमा खबर गरिएको छ । पूर्वी नवलपरासीमा बिहान २ बजेबाट सामान्य वर्षा भइरहेको छ ।
