नेपाल प्रहरीका १५ र सशस्त्र प्रहरीका ११ जनाले राति ८ बजेसम्म खोजतलास गरेका थिए ।
कपिलवस्तु — तौलिहवा–गोरुसिंगे सडकअन्तर्गत कपिलवस्तु नगरपालिका-३, को रामघाट नदीमा सोमबार साँझ बेपत्ता बालकको शव मंगलबार बिहान भेटिएको छ ।
भैंसी चराएर फर्किरहेका बेला नदीमा बेपत्ता भएका कपिलवस्तु-३, डेरवाका १४ वर्षीय मोहन चौहानको शव भेटिएको हो । रामघाट पुलको पूर्वपट्टि हनुमान मूर्तिको प्रतिमा नजिकै नदीभित्रै पानीमा शव भेटिएको जिल्ला प्रहरी प्रवक्ता डीएसपी रिपेन्द्रकुमार सिंहले बताए ।
सोमबार साँझ ५ बजेर १० मिनेटमा बालक बेपत्ता भएको सूचना पाउनासाथ नेपाल प्रहरीका १५ र सशस्त्र प्रहरीका ११ जनाले राति ८ बजेसम्म खोजतलास गरेका थिए । शव पोस्टमार्टमकालागि कपिलवस्तु अस्पताल पठाइएको छ ।
