उक्त दुर्घटनामा मोटरसाइकलको पछाडि बसेका युवक सामान्य घाइते भएका छन् ।
नवलपुर — पूर्व–पश्चिम राजमार्ग अन्तर्गत पूर्वी नवलपरासीको गैंडाकोटमा आइतबार भएको सवारी दुर्घटनामा एक जनाको मृत्यु भएको छ भने एक जना घाइते भएका छन् ।
गैंडाकोट र भरतपुर जोड्ने नारायणी नदि पुलमा ना १ क ५१९९ नम्बरको ट्रकले ना ४३ प ८७ नम्बरको मोटरसाइकललाई ठक्कर दिँदा गैंडाकोट नगरपालिका–४ का २३ वर्षीय मुनाल दाहालको मृत्यु भएको प्रहरीले जनाएको छ ।
दुर्घटनामा घाइते भएका दाहालको उपचारको क्रममा नयाँ मेडिकल कलेज चितवनमा मृत्यु भएको हो । मोटरसाइकलमा सवार स्थानीय प्रतीक घिमिरे सामान्य घाइते रहेका भएका छन् ।
