बेपत्ता बालकको खोजीका लागि सशस्त्र प्रहरीको विपद् व्यवस्थापन टोली परिचालन गरिएको छ।
परासी — पश्चिम नवलपरासीको सुनवल नगरपालिका-७ स्थित खोलामा पौडी खेल्नेक्रममा एक बालक बेपत्ता भएका छन्। सुनवल नगरपालिका-१२ बस्ने वर्ष १२ को सुदीप घर्ती बेपत्ता भएका हुन्।
बिहीवार साँझ बेपत्ता भएका घर्तीको खोजी कार्य जारी रहेको इलाका प्रहरी कार्यालय सुनवलका प्रहरी निरीक्षक सन्तोष पौडेलले बताए।
बेपत्ता बालकको लुगा र चप्पल खोलाको छेउमा भेटिएको छ। बिहीबार स्थानीय र प्रहरीले खोजी कार्य गर्दा नभेटिएपछि आज सशस्त्र प्रहरीको विपद् व्यवस्थापनको टिम आएर खोजी कार्य गरिरहेको छ ।
