दाङ — विभिन्न पर्वका अवसरमा देउखुरी उपत्यकाका तीन स्थानीय तहले आज बिदा दिएका छन् ।
लमही नगरपालिका, राप्ती गाउँपालिका र गढवा गाउँपालिकाले नागपञ्चमी, थारु समुदायको गुरही र मधेशी समुदायको गुडिया पर्वको अवसरमा विदा दिएका हुन् । तीन स्थानीय तहले सार्वजनीक सूचना जारी गरी आज स्थानीय तहको कार्यालय, वडा कार्यालय, शैक्षिक संस्था, स्वास्थ्य संस्था लगाएत स्थानीय तह मातहतका अत्यावश्यक सेवा वाहेकका सबै सेवा बन्द रहने गरी विदा प्रदान गरिएको जानकारी दिएका छन् ।
