सूचना र प्रविधिको दुरुपयोग, वैदेशिक रोजगार जस्ता कारणले गर्दा पारिवारिक बेमेल भएकाले सम्बन्धविच्छेदका मुद्दा बढ्दै गएका हुन् । सहरी क्षेत्रमा अस्थायी रूपमा बसोबास गर्ने महिला पुरुषको परिवारमा यस्ता समस्या देखिएको छ ।

यस्तै जिल्ला अदालतले गत आर्थिक वर्ष २०८१/८२ मा लक्ष्यभन्दा बढी मुद्दा फर्छ्यौट गरेको छ । गत आर्थिक वर्षमा ७ सय ६ मुद्दा किनारा लगाउने लक्ष्य राखेकामा ८ सय १५ वटा मुद्दा फर्छ्यौट गरी लक्ष्यभन्दा बढी मुद्दा फर्छ्यौट गरेको जिल्ला अदालत पाल्पाका स्रेस्तेदार पराजुलीले जानकारी दिए । 

अदालतले कार्यालयमा राखेको पत्रकार भेटघाटमा बोल्दै स्रेस्तेदार पराजुलीले २०८०/८१ बाट जिम्मेवारी सरेर आएका २ सय ७० मुद्दा र नयाँ दर्ता भएका ८ सय १४ मुद्दा गरी जम्मा १ हजार ८४ मुद्दा मध्ये ८ सय १५ वटा मुद्दा फैसला गरी किनारा लागेको जानकारी दिए । कुल मुद्दा संख्याको ७५ दशमलभ १८ प्रतिशत मुद्दा फर्छ्यौट भएको हो ।