तिलोत्तम — रुपन्देहीको मायादेवी गाउँपालिकाका मुख्य सडकमा ४१ वटा बुद्धको मूर्ति राखिएका छन् । पालिकाको हाटीबनगाईदेखि महजिदिया चोकसम्म ४१ वटा मूर्ति राखिएको मायादेवी गाउँपालिकाले जनाएको छ ।
गाउँपालिकाका पूर्वाधार विकास शाखा प्रमुख इञ्जिनियर नवराज ढुंगानाका अनुसार ४८ लाखको लागतमा ती मूर्ति राखिएको हो ।
बुद्ध जनमस्थल लुम्बिनी जाने बाटो पालिकाबाट पर्ने भएकाले लुम्बिनीको प्रवर्द्धन र पर्यटक आकर्षण गर्न पालिकाले भूमिका निभाएको अध्यक्ष ध्रुवनारायण चौधरीले बताए ।
उनले पालिकाको नाम मायादेवीसँग जोडिएकोले पनि लुम्बिनीप्रति पालिकाको दायित्व रहेकाले त्यो पूरा गर्ने प्रयास गरेको जनाए । बुद्ध मूर्ति राखिएपछि स्थानीयले खुसी व्यक्त गरेका छन् ।
पालिकाले आगामी आर्थिक वर्षमा मुख्य चोकमा हाईमास्ट लाईट जडान गरी उज्यालो सडक बनाउने योजना राखेको उनले बताए ।
