नवलपरासी — नारायणगढ–बुटवल सडक खण्ड अन्तर्गत दुम्कीबासमा बिहीबार राति डाइभर्सन बगाएपछि चार दिनदेखि दाउन्नेमा फसेका ठूला सवारी साधन पार गराउन विनयी खोलामा डाइभर्सन निर्माण गरिएको छ ।
साना र यात्रुवहाक सवारी वैकल्पिक मार्ग हुँदै सञ्चालनमा आएपनि ट्रक, लरी र मालवहाक सवारी भने दाउन्नेमै रोकिएका छन् ।
बर्दघाट र दुम्कीबासमा रोकिएका सवारी साधनलाई फर्काएर वैकल्पिक मार्ग प्रयोग गर्न भनिएपनि दाउन्ने पहाडमा रोकिएका मालवहाक सवारी फर्कन नसक्ने र दाउन्ने पार पनि गर्न नसक्ने अवस्था छ ।
रोकिएका सवारी साधनलाई केही समयका लागि डाइभर्सन बनाउने र दाउन्नेमा फसेका सवारी साधन पार भएपछि डाइभर्सन फेरि बन्द गरिने जिल्ला प्रहरी कार्यालय नवलपुरमा प्रमुख यादव ढकाल्ले बताए । त्यसका लागि अहिले डाइभर्सन निर्माण भइरहेको र आज बेलुकादेखि डाइभर्सनबाट फसेका सवारी पार गराइने छ ।
सडक विभागले बुटवल–नारायणगढ सडक खण्डको यात्रा गर्दा विकल्प खोज्न र विनयी खोलामा नयाँ पुल सञ्चालन नहुँदासम्म रातको समयमा यातायत सञ्चालनमा रोक लगाएको छ ।
