नवलपरासी — बुटवल-नारायणगढ सडक खण्डको दुम्कीबासको विनयी खोलाको बाढीले डाइभर्सन बगाउँदा पूर्व–पश्चिम राजमार्ग अवरुद्ध भएको छ ।
इलाका प्रहरी कार्यालय दुम्कीवासका अनुसार आज बिहान पाल्पातिर परेको वर्षाको पानीले विनयी खोलामा बाढी आउँदा डाइभर्सन बगाएको हो । बिहान साढे ८ बजेदेखि राजमार्ग अवरुद्ध रहेको छ ।
डाइभर्सन बगाएपछि रोकिएका यात्रुवाहक बस र हल्का सवारीसाधनलाई होङ्सी गेट हुँदै भित्री सडकबाट आवागमन सुचारु गरिएको छ । ठुला र मालबहाक गाडी राजमार्गमै रोकिएका छन् । खोलामा बाढी रोकिएपछि डाइभर्सन सडक निर्माण गरेर ठुला र मालबहाक गाडी वारपार गराइने प्रहरीले जनाएको छ ।
