दाङ — तुलसीपुर उपमहानगरपालिका-१८, हसपुरास्थित ड्याममा पौडी खेल्ने क्रममा शनिबार एक किशोरको मृत्यु भएको छ ।
सामुदायिक वन क्षेत्रमा निर्माण गरिएको कृत्रिम तालमा साथीहरूसँग पौडी खेल्ने पुगेका त्रिवेणी गाउँपालिका-९ सिस्नेरी, रूकुम पश्चिम स्थायी घर भई हाल तुलसीपुरमा अध्ययनका लागि अस्थायी बसोबास गर्दै आइरहेका १६ वर्षीय भूपेन्द्र बिकको मृत्यु भएको इलाका प्रहरी कार्यालयल तुलसीपुरले जनाएको छ ।
शव परीक्षणका लागि प्रादेशिक अस्पताल तुलसीपुर राखिएको इलाका प्रहरी कार्यालय तुलसीपुरका प्रमुख डीएसपी अनिल ठकुरीले बताए ।
