अर्घाखाँची — जिल्लाको मालारानी गाउँपालिका-२ कुभिन्डेमा जिप दुर्घटना हुँदा एक जनाको मृत्यु भएको छ । बुटबलबाट अर्घाखाँचीको मालारानीतर्फ आउँदै गरेको लु १ ज ४२२६ नम्बरको जिप दुर्घटना भएको प्रहरीले जनाएको छ ।
दुर्घटनामा गम्भीर घाइते भएका मालारानी-२ का ५१ वर्षीय कृष्णलाल मरासिनीको उपचारको क्रममा तम्घास अस्पतालमा मृत्यु भएको प्रहरी नायव उपरीक्षक चक्रबहादुर मल्लले बताए ।
जिप सडकदेखि तल खसेको छ । जिपमा चालक मरासिनी मात्रै थिए ।
घटनाको अनुसन्धान भैरहेको उनले बताए ।
